❖ Bahaaduri ❖
✺ Hazrat Anas RaziyAllahu Anhu fartmaate hain ke Huzoor ﷺ se ziyaada bahaadur koi nahin tha. Ek baar Madeenah mein shor sunaai diya ke dushman aagaye, un dinon ek dushman (gassaani) ke chadhaai kar dene ka bada charcha tha aur yeh khatka din raat laga rehta tha. Shor sun kar ham muqaable ke Liye tayyaari karne lage. Koi apne ghode ki taraf lapka, koi apna hathiyaar sambhaalne laga lekin sab se pehle Huzoor ﷺ apne ghar se nikle. Jaldi mein ghode par zeen bhi na kasi, Aap ﷺ Madeenah ke aas paas ho aaye. Phir aakar farmaaya: "Ghabraao nahin koi dar ki baat nahin."
✺ Sahaaba RaziyAllahu Anhuma mein ek se ek bahaadur Sahaabi the lekin tamaam Sahaaba RaziyAllahu Anhuma kaha karte the ke jab ham dushmanon se ladte aur un ka dabaao ham par ziyaada hota to ham sab pyaare Nabi ﷺ ki panaah Lete the.
✺ Badr aur Uhud ki ladaaiyaan bahot mash-hoor hain. Donon ladaaiyon mein bade ghumsaan ka ran pada tha lekin dushmanon se ziyaada qareeb Aap ﷺ hi the. Uhud mein Aap ﷺ bahot ziyaada zakhmi hogaye the lekin muqaable se na hatte.
✺ Ref: Deeniyat Course book
❥❥ Share this on:
0 comments:
Post a Comment