❖ Madeenah Munuwwarah ki Hijrat ❖
✺ Ek raat kaafiron ne taye kiya. Tauba tauba ! Pyaare Rasool ﷺ ko jaan se maar diya jaaye, is "Noor" ko hamesha ke liye bujha diya jaaye. Bad-bakhton ne yeh tarkeeb sochi ke har qabeele ka ek ek aadmi jama ho aur pyaare Rasool ﷺ ka ghar gher lein aur jab Aap ﷺ ghar se niklein to sab ek saath Aap ﷺ par hamla kar dein. Aap ﷺ ko jaan se maar dein, Allah Ta'ala ne Aap ﷺ ko is saazish ki khabar de di.
✺ Aap ne apne bistar par Hazrat Ali RaziyAllahu anhu ko sula diya taake woh Aap ﷺ ke paas rakhi hui amaanatein logon ko pohancha dein aur Aap ﷺ Qur'aan Shareef ki aayatein padhte huwe ghar se nikle. Mutthhi mein kuchh kankariyaan bhar kar un ki taraf phenkeein, Allah Ta'ala ne un ki aankhon par parda daal diya aur pyaare Rasool ﷺ ko koi bhi na dekh saka.
0 comments:
Post a Comment